Əsərləri II

Böyük fransız maarifçi-filosofu, yazıçı, şair və dramaturqu
Volter özünün yaradıcılığı, habelə ictimai
fəaliyyəti ilə insanlığın tərəqqisinə xidmət etmiş böyük
mütəfəkkirlərdən biri sayılır, təsadüfi deyil ki, dahi
fransız yazıçısı Viktor Hüqo “XVIII yüzilliyin Volter
yüzilliyi olduğunu” deməklə bu böyük şəxsiyyətin gördüyü
işləri çox yüksək dəyərləndirmişdir. Bəlli olduğu
kimi, Volterin əsərləri Azərbaycan oxucusuna çox az tanışdır.
Yaranmış bu boşluğu az da olsa, doldura bilmək
üçün böyük mütəfəkkirin əsərlərini anadilli oxucularımızın
diqqətinə çatdırmağı faydalı sayırıq. Təqdim etdiyimiz
ikinci cilddə Volterin sırf fəlsəfi yaradıcılığından
örnəklər verilmişdir.